03.03.2005

Animasjonskurs på Hjerleid

24 bilete i sekundet

Tekst og foto: Kristin Undset

For å lage eit sekund med animasjonsfilm må du teikne 24 teikningar, til to sekund 48 teikningar osb.

Mediekunnskapelevane har hatt tre dagar med animasjon. Kurshaldar var Anita Killi og kurset gjekk føre seg på Hjerleid. På desse tre dagane fekk dei prøve å animere sjølve og dei fekk sjå mykje animasjonsfilm. Alle fekk ein sirkel til å bli ein heilt annan figur på 24 teikningar.Etter å ha gjort ferdig sirkelen, fekk dei prøve seg på andre teknikkar.

Kinderegg-figurar er fine å animere, men korleis får du ein kinderegg-åme til å forsvinne inn i øyret til Anne Marthe? Jo, du kopierer delar av figuren i plastelina og tek bilete for bilete. Slik kjem han ut att frå det andre øyret og.

Stine og Brit Oline boltra seg med godteri og frukt. Ei pære kan fort bli eit eple, som kan bli ein tomat, som kan bli ein raud non-stop. Du blir sjølvsagt ”lurt”, men noko av målet med animasjonskurset var å avsløre alle knepa.

Tre dagar med intensivt arbeid resulterte i ca. 5 min. animasjonsfilm. Det ferdige produktet håpar vi å vise for heile skolen seinare i vår.

◄Til arkivet