05.05.2004

Hjerleid Norges beste skole

Foto: Inge Angård

Avgangselevane 2003 på allmennfag på Hjerleid har fått eit kjempegodt resultat. Dette visste frå før. Vi er vant med gode resultat på Hjerleid og visste at elevane våre som vanleg hadde gjort det godt. Resultata frå eksamen 2003 er imidlertid no systematisert av Aftenposten og samanlikna med dei andre skolane i heile landet. Oversikten syner at Hjerleidelevane kjem ut blant dei aller beste i heile landet. Sjå berre her:

Norsk hovudmål skriftleg: best i Norge med gjennomsnittkarakter 4,4
Norsk sidemål skriftleg: delt 3. plass  med snittkarakter 4,2
Norsk muntleg: delt 4. plass med snittkarakter 4,7
Religion og etikk muntleg: delt 6. plass med snittkarakter 4,4
Kroppsøving (standpunkt): delt 7. plass med snittkarakter 4,7

Også i andre fag har elevane gjort det sers godt, men desse faga har vi ikkje samla landsoversikt over.

Bildet ovanfor er tatt då nokre av lærarane feirer med kaffe og konfekt. Konfekten var ei helsing og gratulasjon frå rektor Ole-Petter Hansen.

Hjerleid har ein heilt spesiell måte å organisere undervisninga på, slik at vi får eit sers breitt tilbod av undervisningsfag, samtidig med at vi har kreative og dyktige lærarar. Når vi i tillegg er så heldige å ha interesserte og flinke elevar, som veit å gjere seg nytte av kompetansen til lærarane, og føyer til at dei andre tilsette også gjer sitt beste for at elevane skal trivast så godt som mogleg -  ja då blir resultatet godt.

Vi gler oss over dei fantastiske resultata elevane våre har fått, og sender ei helsing og gratulasjon til kvar og ein av dei!

◄Til arkivet