Av det som  fann stad på Hjerleid sitt område, kan vi nemne skateboardshow på laurdag, der dyktige barn og unge frå Dovre fekk vise sine kunstar før dei heil- og halvprofesjonelle utøvarane tok til med sin del av programmet. Det var Dovre ungdomsforum som stod for denne delen av programmet. Ordførar Erland Løkken opna showet, men ikkje på brett!

Ordførar Erland Løkken opnar showet

Det var stort oppmøte av ung og ikkje fullt så unge som ville sjå og praktisere kunstar på skateboard.

Ein av dei profesjonelle deltakarane hoppar her over 7 frivillige. Han greide enda fleire i eit seinare hopp.

Rappekonsert med gruppa "Oggobor" var det både før og etter brettoppvisninga, og gruppa fekk god kontakt med eit entusiastisk publikum som treivst godt i den ikkje altfor varme, men likevel solfylte laurdagsettermiddagen.

Rapparane fekk god kontakt med publikum, og hadde mange gode lokale tekstar og poeng.

Tre av gruppa i aksjon ute på plena framfor daglegstua på Hjerleid

Eit utsnitt av dei entusiastiske tilhøyrarane.

Søndag 13.06.2004
Hjerleidutstillinga 2004 vart opna av stortingsrepresentant Olemic Thommesen, og han kunne fortelle at Senter for bygdekultur no hadde fått lov til å sette i gang med friskolen sin i treskjering - til stor applaus frå dei frammøtte! Denne avklaringa har alle venta på i lang tid.

Mange aktivitetar venta dei frammøtte på Hjerleid, i tillegg til det som vart arrangert i Bygningshistorisk park. T.d. arrangerte Senter for bygdekultur treskjerarkurs for skolebarn, eit populært tiltak med mange deltakarar og ventetid.
Alle avdelingane på Hjerleid - mekaniske fag, allmennfag og trearbeid - hadde tilbod, i tillegg til at Husflidlaget hadde utstilling i lokala sine. Salgsutstilling var det også i gymsalen.

Likevel var det nok elevutstillinga i trearbeidsavdelinga dei fleste kom for å sjå, og som vanleg var det eit godt utval av framifrå elevarbeid som var stilt ut. Til venstre eit par døme.

Regionalt meisterskap i møbelsnikring
Heilt spesielt i år var det at eit regionalt meisterskap i møbelsnikring var lagt til Hjerleid. Vinnaren her går vidare til eit Noregsmeisterskap, og vinnaren der går vidare til eit OL i møbelsnikring som i 2005 blir arrangert i Finland.

Det var 5 deltakarar som starta fredag kveld og heldt på til klokka 13.00 søndag, med premieutdeling om ettermiddagen. Oppgåva til deltakarane gjekk ut på å lage eit lite møbel etter oppgitt teikning. Deltakarane skulle mellom anna vise at dei kunne lese ei teikning,  nytte ulike handverksteknikkar og verktøy og samtidig arbeide under tidspress.

Simen Tovmo i arbeid

Utdeling av 1.premiane

Deltakarar og dommarar samla

Resultatet synte at Hjerleideleven Simen Tovmo delte førsteplassen med Gaute Saglien frå Bekken Snekkerversted på Otta. Gaute har vore elev ved Hjerleid i tre år, medan Simen er ein av våre "Tverrfag-elevar". Det vil seie at han har tatt allmennfageksamen ved Hjerleid, samtidig med at han tok grunnkurs trearbeid og no tar VK1 møbelsnikring! Simen og Gaute går vidare til NM seinare i haust.

Hjerleideleven Vidar Amundstad delte tredjeplassen med Andreas Serigstad frå Ålesund. Femteplassen gjekk til Torbjørn Byrberg frå Trondheim.

Dette resultatet seier ikkje så reint lite om utdanninga ved Hjerleid. For det første at så mange av noverande og tidlegare elevar er kvalifisert til å delta, og ikkje minst at dei gjer det så godt i ein slik konkurranse!

Vi gratulerer!

◄Til arkivet

2002-2006 © Nord-Gudbrandsdal vidaregåande skule, avdeling Hjerleid
 webmaster: Jan Harald Syrstad