29

29.08.2002

Fjelltur for skolen, onsdag 28.08.2002

Skolen sin fjellturdag slo til med strålande sol og flott haustvêr. Litt over klokka 9 om morgonen (alt for tidleg for nokre) drog elevar og lærarar med buss til Fokstugu for å gå over fjellet tilbake til skolen. Nokre firbeinte venner fekk òg lov til å vere med.

Medan bussane var på veg opp til Fokstugu sette cateringavdelinga i gang med arbeidet sitt. Skolen baud på ein liten smakebit med saft og eit par pølser med lompe til kvar, og grillar og mat vart køyrd opp i Åteigen for å vere klar til dei svoltne turgåarane. Om lag midtvegs kan det vere godt med ein matbit.

Anders og Erling frå 3A klar til å ta fatt på turen.

Ein må finne seg i å krysse bekkar og elvar. Denne var overkommeleg

Det er godt med ein pust i bakken for dei firbeinte følgesveinane òg.

Undrar på om dei skal setje i gang, eller er det samling før innspurt?

Fleire eg har snakka med var godt nøgde med turen, medan andre tykte det vart for mykje gåing på rad og rekke. Dei meinte det hadde vore betre om ein hadde fleire stopp undervegs, slik at ein kunne gjere noko sosialt saman.
Kanskje noko for skolen å tenke på til neste fjelltur?

JHS

◄Til arkivet