Fleire gonger i skoleåret har Hjerleid såkalla miljøtimar. Dei tener til å auke trivselen ved skolen, og gjere elevar og lærarar betre kjend med kvarandre. Dette var andre gongen i haust for miljøtimane, og det var elevrådet som stod for både opplegg og arrangement.

Elevrådet har all ære for tiltaket. Eit sers godt planlagt og like godt gjennomførd arrangement kunne ikkje bli anna enn ein suksess! Elevane  vart inndelt i grupper på tvers av studieretningar og klasser. Lærarane stilte òg med to grupper. Det heile var lagt opp med ei løype gjennom alle avdelingane på skolen, med innlagte postar der gruppene fekk ulike oppgåver å løyse. Nokre av praktisk, andre av teoretisk art.
Det var sett opp premie til beste lag.

<Til venstre frå starten i kantina, der elevrådsleiaren ga info om opplegget, og delte inn i grupper.   Til høgre ser vi frå hjulskiftoppgåva på bilmek.>

Langstøvelkasting er ein ikkje heilt kjend idrett enno, men etter at alle gruppene hadde prøvd seg på det, kan det nok hende dette blir ei ny grein i det OL Lillehammer søker om å få arrangere i 2014... I alle fall er det ikkje noko å utsette på innsatsen i dette kastet.

Ei oppgåve gjekk ut på å få ei pære til å lyse, ved ei (innvikla?) kopling til eit bilbatteri. Postvakt Ulf kunne konstatere at det var godt det var dagslys... > Lengst til høgre frå gymsalen, der ein skulle gå frå den eine enden av eit taug til den andre - utan å sleppe det med hendene. Knute på tauget gjorde det vanskelegare enn det kan sjå ut til. >>

Ulf slår fast at det ikkje kom mykje lys frå dei koplingane der.

Å få ein elev gjennom ein taugknute krev at gruppa samarbeider.

På trearbeidsavdelinga skulle gruppene sette saman ein stol. Kvart medlem av gruppa fekk bruke berre ei hand, og med kort tidsfrist. Her konstaterer to av deltakarane at oppgåva var alt anna enn lett. Mange av dei interessante og utfordrande oppgåvene må vi berre la ligge, det vi har tatt med her er berre ein liten smakebit. Kven som vann konkurransen? Eg er ikkje sikker, men trur det var lærarane.

JHS

◄Til arkivet

2002-2006 © Nord-Gudbrandsdal vidaregåande skule, avdeling Hjerleid
 webmaster: Jan Harald Syrstad