08

08.11.2004

Miljøtime, måndag 08.11.2004
(Du kan klikke på alle bildene for å gjere dei større)

Som eit viktig trivselstiltak har vi på Hjerleid, i tillegg til kulturelle innslag som teaterframsyningar, konsertar og forfattarbesøk, også dei såkalla miljøtimane. Dette er timar som elevane sjølv arrangerer, som regel med servering i kantina som avslutning.

I dag var det elevrådet som hadde regien. Dei hadde lagt opp til ein konkurranse, der elevar og lærarar vart delt inn i grupper, og sendt på ein rundtur til nesten alle bygningane på skolen. Kvar studieretning hadde postar med spørsmål eller oppgåver frå deira undervisning.

Dagen i dag var litt spesiell. Det var hyggeleg at både rektor Ole-Petter Hansen og nestleiar Terje Bekken var med på gruppene. På bildene ovanfor ser vi "rektorgruppa" i kantina før start. Det andre bildet syner gruppa i bilmek-avdelinga.

Til venstre ser vi to bilmek-elevar som skal sjå til at gruppene skifter hjul på ein bil.

Til høgre eit bilde frå GK mekanisk. Desse studerer nok på kva dei ulike verktøya skal brukast til.

Byggfag GK vart etter mange års fråvere oppretta på Hjerleid igjen no i haust. Ei av oppgåvene deira var å slå ein kjempestor spikar inn i ein trestokk med så få slag som mogleg. Korleis det gjekk med dei to som er i aksjon her, veit eg ikkje - men innsatsen er det ikkje noko å utsette på.

På trearbeid fekk gruppa til venstre nokre få sekund til å sjå verktøy som låg gjømt under eit klesplagg. Så skulle dei fortelje kva for verktøy dei såg og kva dei skulle brukast til.

Til høgre er det stor innsats med å montere ein av designstolane frå Hjerleid...

I medieavdelinga skulle gruppene svare på kva for filmar dei såg bilde av. Det var ikkje lett.

Noko alle greide med glans, var å ete vafler i kantina etter konkurransen. Og med det var enda eit vellukka miljø-tiltak på Hjerleid over.

◄Til arkivet