12

12.09.2004

Personalsamling i Geiranger, 9. og 10. september 2004

Som eit av tiltaka for å få tilsette frå 4 ulike skolestader til å kjenne seg som del av ein felles skole, hadde skoleleiinga lagt opp til ei personalsamling på Union Hotel i Geiranger.

Turen starta med buss frå Hjerleid torsdag 9. kl 11.30. Etter kvart kom det på tilsette frå Otta, Klones og Lom, og då vi køyrde frå Lom var dei tilsette frå alle skolestadene spreidde i 3 bussar.

Union Hotel i Geiranger

Dei fleste av dei som var med opp til Skageflå

Skageflågarden

Ein tur/arrangementskomité med medlemer frå alle skolestadene hadde lagt opp eit variert program for turen, med matservering og diverse hjernetrim undervegs.
Om kvelden var det aktivitetar på hotellet, både av fagleg og meir sosial karakter. Alle tilsette var også med på å urframføre ein musikal - spesiallaga for personalsamlinga. Meir tvilsamt er det om det blir fleire framføringar.

Høgdepunktet på turen (både bokstavleg og i overførd forstand) var turen til Skageflå - dette fråflytta gardsbruket som ligg oppe i fjellsida, 250 meter over Geirangerfjorden.

Luftig og god utsikt frå husa

Pust i bakken før nedturen

Nokre Hjerleidtilsette.

Første delen av turen gjekk med båt fram til der stien startar. Stien opp er bratt og luftig, og har ein ikkje heilt mista pusten på vegen opp, kan utsikten oppe frå berghylla der garden ligg gjere resten.

Etter turen til Skageflå var det enda ei fagleg samling, før lunsj og heimreise.

◄Til arkivet