30

30.08.2005

Ny runde med Venn1 og psykisk helsevern

Tysdag 30. august 2005 var alle grunnkurselevane ved Hjerleid samla til kurs om psykisk helsevern. Tidlegare i vår hadde vi eit par besøk av prosessleiar Bjørn Smith-Hald i spissen for eit team frå Venn1. Dette kurset, som du kan lese om her, var så vellukka at leiinga ved Hjerleid bestemte seg for å ha eit slik innføringskurs også for dei nye elevane våre no i haust.

Silje (til høgre) er den unge dama som denne gongen fortel om sin tragiske bakgrunn og dei mange sjølvmordsforsøka.

Ho tar utgangspunkt i dei tre hovudpunkta denne dagen:
1. Kva er psykisk helse?
2. Kva gjer vi når ein ven slit psykisk?
3. Kvar og kven går eg til, dersom eg kjem i ein slik situasjon?

For å forebygge psykiske problem kjem Silje med fleire gode råd. Mellom anna er det viktig med eit godt nettverk, både familie og venner, ein må ikkje vere redd for å gi eller ta imot omsorg, gode klemmar frå venner gjer godt, og ein skal ikkje mobbe andre for at dei ikkje ønskjer å gjere det same som ein sjølv.

Klikk på bildet for gjere det større

Dette er eit utsnitt av ein lyttande elevflokk medan Silje fortel litt om kva psykisk helse er. Elevane sit framleis samla, men det er før Bjørn set i gang med gruppe-oppgåvene sine.

Gjennom mange nyheitsinnslag i radio og TV i det siste har vi fått høre at stadig fleire unge slit med psykiske problem, og at psykisk helsepersonell ikkje får tid nok til å ta seg av alt. Derfor er det ikkje minst viktig at ein tek på alvor dei råda Silje gav for å forebygge psykiske helseproblem.
Det er mykje vi kan hjelpe til med berre ved å vere ein god venn!

◄Til arkivet