Hjerleidelev til Yrkes-OL i Helsinki

Den 20 år gamle Gaute Saglien frå Kvam er tatt ut på det norske yrkeslandslaget til Yrkes-OL i Helsinki i dagane 26.-29. mai 2005. Gaute er tidlegare elev på Hjerleid, men er no lærling hos Bekken Snekker-verksted på Otta. Svenneprøva skal han ta i desember. Gaute er for tida utlånt til NRK sin snikkarverkstad i Oslo, der han m. a. skal lære meir om finérarbeid. Gaute har tidlegare erfaring frå konkurransar, m. a. frå det regionale meisterskapet i møbelsnikring på Hjerleid i 2004, der han fekk delt 1. plass. I NM i møbelsnikring på Dokka vart Gaute nr. 2, og i den nordiske konkurransen i Göteborg sist sommar vart Gaute nr. 3.

Truls Schia frå Telemark tok NM-tittelen, og skulle representere Norge under OL, men han har no etablert eigen snikkarverkstad, og dette har ført til at han ikkje har fått førebu seg til konkurransen i OL. Derfor har Gaute overtatt denne plassen.

Frå Oppland er det fire ungdommar som er tatt ut på Yrkeslandslaget. Totalt stiller Norge med 22 ungdommar i alderen 19 til 22 år, og dei skal delta i 20 fag innan handverk, industri/teknologi og service.

Du kan følge med Gaute og dei andre på www.skillsnorway.no under konkurransedagane.
 

 ◄Til arkivet
 

2002-2006 © Nord-Gudbrandsdal vidaregåande skule, avdeling Hjerleid
 webmaster: Jan Harald Syrstad