Historikk | Klasseromma | Skolerute | Kantina | Reglement | Elevrådet |

 Fjernundervisning | Hyblar

§ 1: FORMÅL

Reglementet skal bidra til godt samarbeid, god trivsel, gjensidig respekt og medansvar for alle i skulesamfunnet.  Reglementet skal bidra til å fremme god orden og gode arbeidsvanar, og motivere elevane til å ta ansvar for eiga læring og utvikling.

Reglementet skal orientere og gi reglar om:

·        rettane og pliktene til elevane

·        orden og åtferd

·        kva for tiltak som kan nyttast mot elevar som bryt reglementet, og framgangsmåten når slike saker skal behandlast.
 

§ 2: VIRKEOMRÅDE

Reglementet gjeld for alle elevar under opplæring ved skulen, også elevar i vaksenopplæring, lærlingeskoleelevar, hospitantar og andre når opplæringa skjer i skulen sin regi.

Reglementet gjeld også ved opplæring som blir gjeve under skulen sitt ansvar utanfor skuleområdet, til dømes på skuleturar og ekskursjonar.
 

§ 3: RETTAR

a.       Elevane har rett til vidaregåande opplæring i samsvar med Opplæringslova  m/forskrift og        
         gjeldande læreplanar.

b.                 I samarbeid med lærarane  har elevane rett til å medvirke ved:

·        val av arbeidsformer

·        val av lærestoff innanfor ramma av læreplanane

·        utarbeiding av periodeplanar og gjennomføring av desse

·        utarbeiding av reglar for arbeids– og læringsmiljø i klassa og vurdering av dette

Elevane har rett til å få ei innføring som gir grunnlag for å kunne delta aktivt i dette arbeidet.

c.                 Elevane har rett til å få vite grunnlaget for karaktersetjinga og få fortløpande individuell rettleiing og tilbakemelding  i forhold til dei måla dei arbeider etter i kvart fag.

Det skal gjennomførast elevsamtale i samsvar med gjeldande forskrift minst to gonger i året.

Elevane får orientering om korleis dei ligg an i avgangsfag i løpet av andre terminen. (Midtvegsvurdering).

d.       Elevar som har faglege, personlege eller sosiale vanskar har rett til rådgiving, oppfølging og
          hjelp frå rådgjevartenesta. 

e.       Elevane har rett til å få rådgjeving om utdanning og yrkesval.

f.       Elevane har rett og plikt til å danne elevråd og rett til å halde  allmøte.

Elevrådet og elevorganisasjonar har høve til å nytte bestemte oppslagstavler til sitt arbeid.

          Elevar og elevorganisasjonar kan, etter avtale med rektor, drive politisk arbeid og
          organisasjonsarbeid på skulen i og utanom skuletida.

Skulen skal leggje til rette for best moglege arbeidsforhold for tillitsvalde elevar. 
 

§ 4: PLIKTER

a.       Elevane har plikt til å rette seg etter gjeldande vedtak i lover, forskrifter og reglement.

b.       Elevane pliktar å delta aktivt i opplæringa.

c.       Dersom ein elev ønskjer å avbryte skulegangen, pliktar ho/han å melde frå til rådgjevar. 

d.                 Elevane skal snarast mogleg ta kontakt med faglærar dersom dei ikkje kan følgje opp arbeid til avtala tid.

e.                 Elevane skal følgje verne– og tryggingsreglar, og nytte det arbeidstøy og verneutstyr som læreplanen krev, eller som er påbode av arbeidstilsynet, departementet, fylkeskommunen eller skulen.

f.                  Elevane pliktar å skaffe seg dei læremidla som er bestemt brukt, medrekna verneutstyr.

g.       Skade på eigedom, bygningar, inventar eller utstyr skal meldast til skulen.  Hærverk og skade              kan medføre erstatningsansvar.
 

§ 5: ARBEIDS- OG LÆRINGSMILJØET

a.       Alle må vere omsynsfulle, reale, hjelpsame og høflege mot medelevar, lærarar og andre tilsette.
          Ein må ikkje godta eller oversjå vald, mobbing og anna krenkjande åtferd, og alle pliktar å
          medverke til å hindre slik åtferd.

b.       Elevane sitt arbeid skal vere prega av orden og ansvar og dei skal vere ryddige, punktlege og  
     pålitelege.  Dette kjem fram ved at dei:
     *   tar ansvar for eigne oppgåver og sin del av fellesoppgåvene
     *   fullfører arbeidet
     *   leverer skriftleg arbeid i rett tid
     *   er presise til timane
     *   kjenner ansvar for skulen sitt utstyr
     *   er ryddige når det gjeld fråvær
     *   har orden i sakene sine og på plassane sine
     *   er medansvarlege for orden i klasserommet og på skulen

c.      Alle i skolesamfunnet har ansvar for å medverke til at det er god orden ute og inne og det blir  
    sett høge krav til tryggleik og helse. 

d.      Røyking eller bruk av snus og andre tobakksmiddel er ikkje tillate på skulen sitt område.

e.      Det er forbode å vere påverka av, ha med seg eller bruke rusmiddel på skulen sitt område. 
    Dette gjeld òg ved arrangement og turar som skulen står for.                                

f.      Det er forbode å ha med seg våpen av noko slag på skulen sitt område.        

g.      Elektronisk utstyr som mobiltelefon og lomme-CD /-kassettspelar skal vere slått av i timen,     
    unntatt når dei skal brukast i læringsarbeidet.

h.      Skulen sitt data- og kommunikasjonsutstyr må ikkje brukast på ein slik måte at det er til ulempe
    for eller verkar krenkjande på andre på eller utanfor skulen. 

i.      Alle som kjører privat bil/moped/motorsykkel til skulen vil bli tilvist eit parkeringsområde.
   Det er ikkje tillate å parkere utanom dette eller kjøre ulovleg og unødvendig inne på det indre
   skuleområdet.

j.      Eleven har plikt til å rydde etter seg i kantina, og kan ikkje utan spesielt løyve ta med seg koppar
   og bestikk ut frå kantina.

k.      Skulen har ymse spesialrom som skal vere avlåste når dei ikkje er i bruk.
    Bruksreglar er laga for kvart enkelt spesialrom.

l.       Oppland fylkeskommune har ei ulykkesforsikring som gjeld elevar.  Denne forsikringa gjeld på
    skulen, på reise til og frå skulen, ved utplassering og på ekskursjonar.

m.      Skulen har ikkje ansvar for tap av bøker, klede, pengar eller andre private verdisaker som
    elevane tek med seg på skulen.
 

§ 6: OPPMØTE OG FRÅVÆR

a.      Elevane  har plikt til å møte til kvar time dersom det ikkje er gjort avtale med faglærar,
        kontaktlærar, avdelingsleiar/mellomleiar eller rektor om anna arbeidsform. Elevane pliktar å
          halde oversikt over eige fråvær. Dette blir kontrollert mot fråværsprotokollen.

b.      Elevar som blir sjuke eller av andre grunnar ikkje kan møte til undervisning, eller som må forlate
   opplæringa i løpet av skuledagen, må melde frå til faglærar, kontaktlærar eller kontoret.

c.      Elevar som får høgt fråvær på grunn av langvarig eller kronisk sjukdom eller på grunn av
    omsorgsansvar,  vil kunne få hjelp frå skulen til sjølvstendig arbeid, ekstra prøver, støttetimar
    for å bøte på dette.  Det er opp til elevane å gjere seg  nytte av denne hjelpa.

d.      Høgt fråvær kan føre til at det ikkje er grunnlag for å setje termin- eller standpunktkarakter i
    eit fag. Elevane og foreldra (når elevane er umyndige) skal ha varsel når det er fare for at
    grunnlaget for standpunktkarakter manglar.  Varsel blir gjeve når eleven har eit fråvær 
    på omlag 15%, eller når vurderingsgrunnlaget er svakt av andre grunnar, t.d. manglande
    innleveringar eller fråvær frå prøver.  

e.      Organisert eller sjølvstendig studiearbeid og oppgåver i skulesamfunnet elles, blir ikkje rekna
    som fråvær, når det er avtala med faglærar,kontaktlærar eller rektor.
    Eleven skriv søknad med plan for arbeidet på eige skjema og leverer til kontaktlærar seinast
    tre dagar før det sjølvstendige studiearbeidet. 
    Det er avdelingsleiar/mellomleiar som endeleg godkjenner søknaden med si underskrift.  
  
    Slikt studiearbeid kan ikkje leggjast til dagar der det er fastlagt prøver eller obligatoriske
    øvingar, eller takast ut når det er fare for å miste vurderingsgrunnlaget på grunn av fråvær. 

f.      Besøk hos rådgjevar eller andre som har støttefunksjonar i skulesamfunnet blir heller ikkje
    rekna som fråvær når eleven varslar læraren som har undervisning den timen han er borte.

g.      Innanfor ei ramme på 14 skuledagar pr. skoleår vil følgjande fråvær ikkje kome på vitnemål eller
    annan dokumentasjon:

        *   langvarig eller kronisk sjukdom
        *   elevrådsarbeid på regionalt og nasjonalt plan
        *   politisk arbeid på lokalt, regionalt og nasjonalt plan
        *   arbeid som tillitsvald i regionale eller nasjonale organisasjonar
        *   organisert hjelpearbeid i krisesituasjonar               
        *   frammøte til sesjon.
        *   inntil to dagar ved religiøse høgtider for elev som er medlem i andre trussamfunn enn den
             norske kyrkja.
        *   etter ei nærare vurdering av skuleleiinga kan ein elev få permisjon utan fråværsføring ved
             deltaking som utøvar i kultur- og idrettsarrangement på regionalt og nasjonalt plan, og når det
             krevst stor dugnadsinnsats lokalt i bygdesamfunnet for å gjennomføre større tilskipingar.

        Elevane har sjølve ansvar for å levere dokumentasjon.
 

§ 7: FUSK ELLER FORSØK PÅ FUSK

Fusk er:

·        Bruk av ikkje tillatte  hjelpemiddel og kommunikasjon som ikkje er tillate i samband med prøve.

·        Avskrift av andre sine arbeid innlevert som eige produkt.

Fusk eller forsøk på fusk er brot på tillit, brot på gjeldande reglement og brot på krav til orden og åtferd.

Dersom ein elev blir teken i fusk eller forsøk på fusk i samband med eksamen, skal det meldast til rektor og/eller eksamensansvarleg og sentralgjeven forskrift skal følgjast.


§ 8: KONSEKVENSAR FOR ELEVAR SOM BRYT REGLANE

Brot på reglementet kan resultere i reaksjonar mot eleven i form av refsingstiltak eller særskilde tiltak.

Refsingstiltak vil vere:

·        påtale frå ein av dei tilsette ved skulen.

·        utelukking frå klasse/gruppe for resten av timen/arbeidsøkta etter faglæraren si avgjerd.

·        utelukking frå skulen for resten av skoledagen etter avgjerd av rektor.

Særskilde tiltak er:

·        bortvising av eleven inntil 5 skuledagar etter rektor si avgjerd.

·        bortvising for resten av skuleåret, etter vedtak av fylkesopplæringssjefen, som også kan gjere vedtak om at eleven taper retten sin til vidaregåande opplæring.

Skulen fører skriftlege notat på tiltaka som er gjort.

I tillegg til refsingstiltak eller særskilde tiltak kan til dømes følgjande vere konsekvens av brot på reglementet:

·        avgrensa tilgang til spesielle aktivitetar ved gjentekne eller alvorlege brot på reglar/retningsliner for slike aktivitetar.

·        krav om å betale erstatning  ved skade på skulen sin eigedom,  dersom det må til ekstra reingjering/istandsetjing.

·        brot på reglementet blir medrekna ved fastsetjing av termin- og standpunktkarakterar i orden og åtferd.

·        ved fusk blir karakteren på prøven/oppgåva det gjeld annullert.  Det kan medføre at eleven ikkje får termin- eller standpunktkarakter.  Dermed kan eleven miste retten til å gå opp til eksamen i faget.
 

§ 9: SAKSBEHANDLING

Når ein elev blir refsa eller får tilsnakk for negativ orden og åtferd, har han rett til å forklare seg.

Når brot på reglementet er så alvorleg at særskilt tiltak med bortvising blir aktuelt, skal rektor først rådføre seg med lærarane til eleven. Deretter skal skulen vurdere alternative tiltak i samråd med rådgjevar eller sosialpedagogisk personale. Etter at eleven har fått forklare seg om saka, blir særskilt tiltak vedteke. Eleven skal samstundes orienterast om klagerett og framgangsmåte, og om retten til innsyn i sakspapira, slik enkeltvedtak etter forvaltningslova fastset.

Dersom brot på reglementet er så alvorleg at eleven taper retten sin  til vidaregåande opplæring, kan han klage til Statens utdanningskontor. Ved andre særskilde tiltak kan han klage til fylkeskommunen.

§ 10: EIGE ANSVAR

Dersom elevane blir i tvil om forståinga om somme punkt i reglementet, eller det kjem til situasjonar dei ikkje finn omtala i reglementet, skal dei ta kontakt med faglærar, kontaktlærar eller rektor.

◄Tilbake

Sist oppdatert: 27.08.2005